Attack on Titan 2

Attack on Titan 2 (A.O.T. 2)

Koei Tecmo Games

Pleiččikka 4 : 2018 | Pleiččikka Vita : 2018 | Tieččikka (Steam) : 2018 | Xbox One : 2018 | Nintendo Switch : 2018
http://store.steampowered.com/app/601050/Attack_on_Titan_2__AOT2/

Attack on Titan 2 – Suomes tiijetäh ”Titaanien sotanu” – on hack-and-slash toimindu videjokiza, mi alustuu saman nimiseh Hajime Isayaman manga-sarjiččasarjukseh. 3D-hahmot ollah sellu-pimettyi kui kai anime-videjokizois. Kameru vaihtuu 1. persounan ta 3. persounan kuvakolkiloin välil ku starinoijah.

Titaanien sota starinoi inehmizkunnas mi pakeni inehmizsyöjäjättiläzii ta joudu loukkuh kiviseiniin tukee.  Inehmizet  kuottau torata jättiläziinke "3D liikkumizvehkehel."

Kizas luvvah oma hahmo mil sit kizatah Titaanien sodan starinua omas nägökolkas, a kizan viimene lugu on ihai omale hahmole targotettu lugu. Oma hahmo ystävöiččöy sarjuksen hahmoloinke ta suau heil sit eri konstei mil sit lizätäh oman hahmon taitoi.

Kizapalukan knopkat oli alus vaigiet ta vie kizan lopis mie painelin viärii knopkii. Ta ku

tuli monii jättiläzii, ga näyttimes ei nähny mis kulki.

Iče olen lugenu pikkaze sarjiččau. Ta kiza menöy starinas kui sarjičas, paiči viimene lugu. Mie pijän moizis kizois kus suau luvva oman hahmon ta starinoijah oman hahmon nägökolkas libo videjokizas on oma starinu, mi sijoittuu samah tuotehsarjukseh.

Toni T. Timonen, puhasjalkan'e nurmekselain'e, popkul'tuururuadai – nörtti

SANASTOA

alustuu – pohjautuu

sarjiččasarjus – sarjakuvasarja (comic serie)

sellu-pimettyi – sellu-varjostettu (cel shaded)
starinoijah – kerrotaan tarinaa, tarinoidaan

nägökolkka – näkökulma
ystävöiččöy –seurustella, ystävystyä

kizapalukka – pelikapula

knopkat– näppäimet

lopis / lopes - lopussa

näyttimes – ruudussa, TV:ssä, monitorissa
huimapäikse –hulluiksi

SCREENSHOTS

Nimesin oman hahmon Tapio Aaltosekse sarjuksen suomelazheimozen Angel Aaltozen mugah - himosin što heimonimes tulis vastah easter egg. Angel Aaltonen on yksi "Attack on Titan: Before the fall" sarjuksen suomelazis - muit ollah Corina Ilmari ta Xenophon Harkimo. Angelii ta Xenophonii kuččutah kiviseiniin syväinpuolel "keksindölöin huimapäikse"