Godzilla / Gojira

 Kirjutan tätä silmäilyy täs ku vuatan ku Godzilla -1 tulou bl'uurei-diskanu myöndäh.

Godzilla kui muut kaiju-luadusuunnan film'at jagavuu kahteh joukkoh: "inehmizet-vastah-hirvitys" libo "hirvitys-vastah-hirvitys." Ezmäin Godzilla oli inehmizet-vastah-hirvitys luaduu ta sit Godzilla meni lapsii suvaiččii hirvitys-vastah-hirvitys luaduh. Hos kačon molembii, iče olen kuitengi tämmän inehmizet-vastah-hirvitys film'uniekkoin joukos. 

 

Kaččoin 1950-luvvun ezmäzen Godzillan vastevai muudam vuottu tagaperin ta suvaičin Shin-Godzillas - molembat ollah stiil'al julmakkambii kui hirvitys-vastah-hirvitys luadun kaiju-film'at - inehmizet kiduičou ku Godzilla tulou ku inehmizet raiskau luonduo huijutomasti. Mi myös nägyi nygöi ku kinotiatrois oli Gozilla -1 ta Godzilla x Kong ezividejo tuli, ta sai yhtysvaltalazet film'uniekat paheksumah jälgimmäs hos Godzilla on olluh nagrettavagi.

pikkaze igävöin suomenkielizii - karjalankielizii vuotan vie piembäh - nimii ta kanzii - kui ezimerkikse"Godzilla kohtaa Kongin" - a julgazijois on tulluh tinakynzii kanziin kielenke.

Juutuubis on viime vuozinu tullu Touhoun hyväksymii nysäfilm'oi kui Godzilla vs. Megalon libo Godzilla vs. Gigan Reksu

Palworld (aigan'ivaihie)

Palworld (aigan'ivaihie)

Pocketpair

Tieččikka (Steam): 2024

https://store.steampowered.com/app/1623730/Palworld/

Palworld on hirvitysten kerändy ta tugikohan luadimis kiza mi sanotah olevan "Pokémon pyssyil." Kizua voi kizata yksin libo ratananke internetan kauti. Kizan hirvityksii kuččutah "paleikse" ta kizuai avarijoi Palpagos suaristoh. Kizas on monii lähtökohtii ymbäri suaristuo kunne voi hengenlähön jälgeh mennä, yksi taktiekku on uvvelleh roindua azetuksen kautti näih paikkoi ta aktivoija etäsiirturi kohtii - luajen alguverkoston etäsiirroksih... Algukohat eruo toizis vai pikkaze - iče himosin algukohakse lumitannertu a ei ollu. Myöhembäh lövty lumitanner-aloveh. Kizas on bašn'umuasteriloi mi pidäy voittau pokémonzualoin tabah. ta inehmizetgi lasketah paleikse, tarkottajen što inehmizii voi orjuttau - a inehmizet ollah huonoi ruadajii.

Kizas on kyl vie äijäl vigoi kui ezim. tugikohas palit menöy paikkoih kus net ei piäse iäres ta kizuajan pidäy avuttau paloi. A kiza on tozi vie aigazes vaihies.

Paliin stiil'u mustattau ylel pokémoniloi ta sikse kiza on suanu täs kriitikkua kizalistol a iče en huomuau mostu - tozi en ole kizanu pokémon-kizoi Pokémon Rubyn ta Pokémon Legends: Arceuksen välil

- Toni T. Timonen, puhasjalkan'e nurmekselain'e, popkul'tuururuadai - nörtti

sanasto

etäsiirros - fast travel / teleporttaus
aigan'ivaihie - early access
kizalisto - pelaajat

Screenshots

menin kylymimbäh ta pohjazimbah suareh...

hukka ezmäsekse palikse...